Azərbaycan Hava Yolları (AZAL) Hindistanın paytaxtı Dehlidən Bakıya pandemiyadan sonra ilk birbaşa reysi həyata keçirib. Bu haqda BakuPlus.az Report-a istinadən bu gün, 11 avqust tarixində xəbər verir.
Ötən gün Heydər Əliyev Beynəlxalq Hava Limanına enən sərnişinləri Hindistanın Bakıdakı Səfirliyinin müvəqqəti işlər vəkili cənab Vinay Kumar qarşılayıb.
V.Kumar bildirib ki, reyslər həftədə iki dəfə - çərşənbə axşamı və cümə günləri Bakıdan Dehliyə, çərşənbə və şənbə günləri isə Dehlidən Bakıya həyata keçiriləcək.
Dehlinin İndira Qandi Beynəlxalq Hava Limanından Bakının Heydər Əliyev Beynəlxalq Hava Limanına uçuş təxminən 4 saat çəkir.
Bollivudun bir sıra məşhur siması Dehlidən Bakıya ilk uçuşla gəliblər. Onlar Heydər Əliyev Beynəlxalq Hava Limanında ənənəvi Azərbaycan rəqsləri ilə qarşılanıblar.
[caption id="attachment_57795" align="alignnone" width="300"]
Foto Hindistanın Azərbaycandakı Səfirliyinin rəsmi Facebook səhifəsi[/caption]
