Bakı məktəblərində nəzarət gücləndiriləcək. Bu haqda bu gün, 5 mart tarixində Bakuplus.az Report-a istinadən xəbər verir.
Paytaxtda yerləşən təhsil müəssisələrində tədris və idarəetmə proseslərinin tamamilə elektronlaşması üzrə sistemin yaradılması planlaşdırılır. Bununla bağlı Bakı Şəhəri üzrə Təhsil İdarəsinin müdir əvəzi Nərminə Hüseynova məlumat verib.
Onun sözlərinə görə, sözügedən sistem təhsil ocaqlarında nəzarəti gücləndirməyə, tədris prosesi ilə bağlı məlumatların operativ və effektiv şəkildə izlənilməsi və təhlil edilməsinə, həmçinin akademik bacarıqların, şagird davamiyyətinin qeydə alınması və monitorinqini həyata keçirməyə imkan verəcək. Həmçinin valideynlərin məktəbləri qiymətləndirməsi üçün rəqəmsal sistem yaradılacaq.
"Valideynlər üçün övladlarının təhsil, davranış keyfiyyətlərini izləmə və müəssisələrdə tədris proseslərini dəyərləndirmə imkanı verən elektron sistemin qurulması əsas hədəflərimizdəndir", – deyə Hüseynova qeyd edib.
