Bakının TƏBİB-in tabeliyində olan Elmi-Tədqiqat Mamalıq və Ginekologiya İnstitutunda 57 yaşlı qadın yüksək riskli hamiləliyə baxmayaraq, sağlam körpə dünyaya gətirib. Bu haqda bu gün, 29 avqust tarixində Bakuplus.az TƏBİB-in mətbuat xidmətinə istinadən məlumat verir.
Əvvəlki hamiləlikdə 21-ci həftədə uşağı itirən qadının ikinci hamiləliyi 38-ci həftəsində hipertenziya (yüksək qan təzyiqi - red.) və uşaqlıq mioması kimi problemlərin olmasına baxmayaraq, uğurla başa çatıb. Qeysəriyyə əməliyyatından sonra qadın sağlam oğlan uşağı dünyaya gətirib.
Əməliyyatdan sonrakı dövr fəsadsız keçib, ana və uşaqda sağlamlıq problemləri müşahidə olunmayıb. Üç gündən sonra onların hər ikisi evə buraxılıb.
[caption id="attachment_66344" align="alignnone" width="800"]
Foto Report.az saytı[/caption]
