Bakı şəhərində Hökumət Evinin yaxınlığında Dağıstan məhsullarından ibarət sərgi açılacaq. Onun açılışı payızda, Dağıstan sahibkarlarının Azərbaycana işgüzar missiyası zamanı planlaşdırılır. Bu haqda Bakuplus.az bu gün, 1 avqust tarxində Dağıstan İxraca Dəstək Mərkəzinin rəhbəri Ruslan Abaskuliyevə istinadən məlumat verir.
Sərgidə urbeç, düyü, şirələr kimi Dağıstan ərzaq məhsulları yerləşdiriləcək, həmçinin regionda istehsal olunan tikinti materialları və İT sahəsinin inkişafı layihələri nümayiş etdiriləcək.
Bundan əlavə, ziyarətçilər saxlama şəraitinin xüsusiyyətlərinə görə salonda yerləşdirilə bilməyən brend məhsulları nümayiş etdirən kataloqlarla tanış ola biləcəklər. Respublikanın turizm və investisiya potensialına həsr olunmuş videoçarxın nümayişi üçün sərgi salonunda ekran yerləşdiriləcək.
Sərgiyə giriş hamı üçün tam pulsuz olacaq.
