Son zamanlar Bakıda dayanma-durma qaydalarını pozan və həmin zaman avtomobillərinin dövlət nömrə nişanlarını müxtəlif üsullarla gizlədən sürücülərin sayı artıb. Bu haqda bu gün, 21 avqust tarixində Bakuplus.az Nəqliyyatı İntellektual İdarəetmə Mərkəzinə (NİİM) istinadən məlumat verir.
NİİM-dən verilən məlumata görə, şəhər ərazisində quraşdırılmış müşahidə kameralarının qeydlərindən məlum olur ki, dayanma və durma qaydalarını pozan sürücülər avtomobillərin dövlət nömrə nişanlarını müxtəlif üsullarla gizlətməyə çalışırlar.
“İnzibati Xətalar Məcəlləsinin 346.1-ci və 346.2-ci maddələrinə əsasən, dayanma və durma qaydalarının pozulmasına görə 20 və 40 manat məbləğində cərimə nəzərdə tutulubsa, Məcəllənin 342.9-cu maddəsinə əsasən, nəqliyyat vasitəsinin dövlət qeydiyyat nişanının görünüşünü çətinləşdirən örtüklərdən və ya qurğulardan istifadə edilməsinə görə 500 manatdan 800 manatadək məbləğdə cərimə tətbiq edilir”, - mərkəzdən qeyd edilib.
[video width="1280" height="720" mp4="https://bakuplus.az/storage/photos/2023/08/video_2023-08-21_13-56-121.mp4"][/video]
