Bu gün, 11 aprel tarixində Dini Qurumlarla İş üzrə Dövlət Komitəsinin tabeliyində fəaliyyət göstərən Azərbaycan İlahiyyat İnstitutunun yeni inzibati binası açılıb. Bu haqda Bakuplus.az Azərbaycan Respublikasının Prezidentinin rəsmi saytına istinadən məlumat verir.
Azərbaycan Respublikasının Prezidenti İlham Əliyev açılışda iştirak edib.
14:45 - Yenilənib
Bakının Yasamal rayonunda tikilən beşmərtəbəli binada inzibati və tədris sinif otaqları, kitabxana, kişi və qadınlar üçün ayrıca ibadət otaqları, həmçinin dəstəmaz otaqları və mətbəə var.
İnstitutda bakalavriat səviyyəsi üzrə “Dinşünaslıq” və “İslamşünaslıq” ixtisasları, magistratura səviyyəsi üzrə (dinşünaslıq ixtisası üzrə) “Dinin sosiologiyası”, “Dinin psixologiyası”, “Dinlərin tarixi” və “İslamşünaslıq” ixtisaslaşmaları, doktorantura səviyyəsi üzrə isə (fəlsəfə doktoru üzrə) “Dinşünaslıq”, “Dinin tarixi və fəlsəfəsi” ixtisasları tədris olunur.
Hazırda insitutda ümumi 277 tələbə təhsil alır, 43 müəllim fəaliyyət göstərir.
[caption id="attachment_40130" align="alignnone" width="800"]
Foto President.az saytından[/caption]
