Qənirə Paşayevanın dəfn olunacağı yer məlum olub. Bu haqda bu gün, 29 sentyabr tarixində Bakuplus.az APA-ya istinadən xəbər verir.
Deputatla vida mərasimi bu gün saat 10:00-da Heydər Məscidində baş tutacaq. Qənirə Paşayeva II Fəxri xiyabanda torpağa tapşırılacaq.
Ötən gecə Q.Paşayeva müalicə aldığı xəstəxananın reanimasiya şöbəsində vəfat edib.
23 sentyabr saat 03:01 radələrində TƏBİB-in tabeliyindəki Abşeron Rayon Mərkəzi Xəstəxanasının Təcili və Təxirəsalınmaz Tibbi Yardım Stansiyasına Q.Paşayeva üçün çağırış daxil olmuşdur. Ona naməlum mənşəli hipotonik vəziyyət diaqnozu qoyulmuşdur. Həkimlər Q.Paşayevanın xəstəxana şəraitində müalicəsini məsləhət görüb. Deputat ailə üzvlərinin istəyi ilə təcili tibbi yardım briqadası tərəfindən Mərkəzi Klinikaya təxliyə olunmuşdur. O, süni tənəffüs aparatına qoşulmuşdur.
[caption id="attachment_114842" align="alignnone" width="640"]
Foto APA[/caption]
