Azərbaycan universiteti beynəlxalq reytinq siyahısına düşüb. Bu haqda 8 avqust tarixində Bakupost.az məlumat verib.
“AASHE Stars” reytinq təşkilatı qiymətləndirmə kateqoriyaları içərisində təhsil, elmi tədqiqat, dayanıqlılıq, icma və tələbələrlə iş, nəqliyyat, enerji və s. kateqoriyalar üzrə Qərbi Kaspi Universitetini qiymətləndirib.
Builki reytinqə 1100 universitet daxil olub. Qiymətləndirmədə 5 universitet “Platinum”, 91 universitet “Gold”, 112 universitet “Silver”, 29 universitet “Bronze” kateqoriyasında yer alıb.
Qərbi Kaspi Universiteti dünyanın ən yaxşı 601+ universiteti arasında yer alıb. Universitet təhsil kateqoriyasındakı qiymətləndirmədə müəyyən edilmiş mümkün 40 baldan 33.52, elmi tədqiqat üzrə mümkün 18 baldan 16,33, ictimaiyyətlə əlaqələr üzrə mümkün 20 baldan 18,48 bala layiq görülüb. Təhsil keyfiyyəti üzrə mümkün 5 ulduz üzrə 5, onlayn tədris üzrə 4, məzunların iş tapması üzrə 4 və inklüzivlik üzrə 4 ulduzla qiymətləndirilib.
