“Pasha Holding” şirkəti və “Gender Hub” təşkilatı qadınlar üçün xüsusi “Woman bazaar” proqramını hazırlayıb. Bu haqda bu gün, 20 iyul tarixində Bakuplus.az məlumat verir.
Proqramın məqsədi həssas qrupu - valideyn(lər)ini itirmiş, məcburi köçkün və s. təmsil edən qadınların sahibkarlıq fəaliyyətini dəstəkləmək, həyatlarının müxtəlif mərhələlərində məişət zorakılığı ilə üzləşmiş qadınların reinteqrasiyasını sürətləndirmək, həmçinin mövcud fəaliyyətlərin davamlılığının təmin olunmasına dəstək göstərməkdir.
Proqram 14-40 yaş aralığında qadın sahibkarlar üçün nəzərdə tutulub. Proqramda iştirak etmək istəyən xanımlar qeydiyyatdan keçməlidirlər. Müraciətlərin son günü 28 iyuldur. İştirakçıların sayı məhduddur.
Proqram avqust ayından oktyabra qədər davam edəcək. Avqust ayında təlimlər, sentyabrda mentorluq proqramları və oktyabr ayında festival günləri nəzərdə tutulub. Festival zamanı yeni sahibkarlar sərgidə öz məhsullarını satacaqlar.
