Xəzər rayonunda Qala və Şüvəlan qəsəbələrini birləşdirən avtomobil yolunun yenidən qurulması işləri icra olunur. Bu haqda 7 iyun tarixində Bakuplus.az Azərbaycan Avtomobil Yolları Dövlət Agentliyinə istinadən xəbər verir.
Qala-Pirallahı avtomobil yolunun 8-ci km-dən başlayaraq Şüvəlan qəsəbəsinə qədər uzanan Qala-Şüvəlan avtomobil yolunda yenidənqurma işləri aparılıb.
Yenidənqurma zamanı:
- yolboyu frezerləmə;
- zəruri yerlərdə yararsız qruntun çıxarılması;
- əks-dolğu;
- yeni yol yatağının salınması;
- yol əsasının inşası və asfalt-beton örtüyünün döşənməsi işləri aparılır.
Yolboyu görülən işlər:
- üfüqi nişanlanma xətləri çəkilib;
- kommunikasiya xətlərinin baxış qapaqları yenilənib və layihə hündürlüyünə qaldırılıb;
- yeni yağış barmaqlıqlarının və yol nişanlarının quraşdırılması nəzərdə tutulub.
Artıq yolun 1250 metrlik hissəsində sadalanan işlər yekunlaşıb.
