Paytaxtın Yasamal rayonu, “Qanlı göl” ərazisində yeni avtomobil yolu inşa edilib. Bu haqda bu gün, 6 yanvar tarixində Azəravtoyolun mətbuat xidməti məlumat yayıb.
Uzunluğu 1250, eni isə 9 metr olan 2 hərəkət zolaqlı yol, gölün qərb hissəsindən Yasamal Yaşayış Kompleksinə qədər çəkir.
Ərazi boyunca torpaq tökülüb, yol yataqları inşa olunub, daha sonra asfalt döşənib. Eləcə də, yeraltı kommunikasiyalar çəkilib, yağış-kanalizasiya sistemi qurulub.
Həmçinin, piyada səkiləri də təşkil olunub.
2021-ci ilin “İnvestisiya Proqramı” çərçivəsində rayon üzrə ümumilikdə 4 kilometr uzunluğu olan 11 küçə əsaslı təmir olunub.
[URIS id=28231]
