Xəzər dənizi sahillərində və Mingəçevir su anbarında qanunsuz balıq ovlayan şəxslər saxlanılıb. Bu haqda 23 noyabr tarixində Report xəbər verib.
Dövlət Ekoloji Təhlükəsizlik Xidmətinin keçirdiyi reyd zamanı Xəzər dənizi sahillərində və Mingəçevir su anbarında qanunsuz balıq ovlayan brakonyerlər Bakı şəhər sakinləri Qurbanəli Məlikov, Alı Alıyev, Xaçmaz rayon sakini Adil Abbasov və Yevlax rayon sakini Elburus Əhmədov saxlanılıblar.
Onların üzərində qadağan olunmuş ov alətləri aşkarlanıb və su hövzələrindən ümumilikdə 670 metr uzunluğunda sintetik tor götürülüb. Faktlarla bağlı təqsirkar şəxslər barəsində akt, protokol tərtib olunub.
