Fevralın 9-u axşam saatlarında paytaxtın Nərimanov rayonu ərazisində rayon yol polisi nəməkdaşları “Naz Lifan” markalı avtomobilin sürücüsünü saxlayan zaman o, özünü yandırmaq istəyib. Bu haqda bu gün, 10 fevral tarixində Avtosfer.az məlumat verib.
Avtomobili saxlamağa səbəb sürücünün nəqliyyat vasitəsinə sayrışan işıqların quraşdırması, dövlət nömrə nişanı olmadan idarə etməsi, həmçinin avtoxuliqanlıq edərək sürət həddini aşması, işıqforun qırmızı işığından keçərək digər hərəkət iştirakçılarına təhlükə yaratması olub.
Saxlanma zamanı qazi olduğunu iddia edən şəxs YPX əməkdaşları ilə mübahisə edib və özünü yandırmaqla hədələyib. Hadisə yerinə PPX-nın əməkdaşları cəlb olunub, avtomobil duracağa aparılıb.
Bakı şəhər Dövlət Yol Polisi İdarəsinin bölmə rəisi Vaqif Əsədov bildirib ki, sürücü qanunvericiliyə uyğun olaraq inzibati məsuliyyətə cəlb edilib.
