Bakıda keçirilən “Qarabağ” - “Sürix” qarşılaşması 5 qol ilə yadda qaldı. Bu haqda bu gün, 20 iyul tarixində Bakuplus.az xəbər verir.
Oyunun birinci yarısında təmsilçimiz rəqibinə şans vermədi. Hesabı Kadi 17-ci dəqiqədə açdı, daha sonra, 36-cı dəqiqədə İbrahima Vaci 2-ci qolu vurdu.
İkinci yarıya komandamız rahatlaşaraq çıxdı. Bu da 65-ci dəqiqədə “Sürix”in qolu ilə nəticələndi. Həmin dəqiqədə Vacinin qolu ilə hesabı 3:1 etməyi bacarsaq da, rəqib 85-ci dəqiqədə penaltidən qapımıza 2-ci qolu vurmağı bacardı.
Beləliklə “Qarabağ” 2-ci qarşılaşmaya 1 top üstünlüklə çıxmağa nail oldu. Növbəti oyun 27 iyul tarixində İsveçrədə baş tutacaq.
