Bakıda qətl törətməkdə təqsirləndirilən şəxsin məhkəməsi başlayır. Bu haqda 30 dekabr tarixində Report xəbər verib.
Puta qəsəbəsində avqustun 22-də 27 yaşlı Əhəd Nuriyevin meyiti aşkarlanıb. Polisin keçirdiyi əməliyyat-axtarış tədbirləri nəticəsində 36 yaşlı Mirşahid Mehdiyev saxlanılıb. Məlum olub ki, o, mobil telefonda olan videogörüntü üstündə Nuriyevə bıçaqla çoxsaylı xəsarətlər yetirərək, qəsdən öldürüb.
Faktla bağlı Mirşahid Mehdiyev CM-nin “Qəsdən adam öldürmə” maddəsi ilə təqsirləndirilib və onun barəsində məhkəmənin qərarı ilə həbs qətimkan tədbiri seçilib. Cinayət işi baxılması üçün aidiyyəti üzrə Bakı Ağır Cinayətlər Məhkəməsinə göndərilib.
