Abşeron dairəvi dəmir yolu xətti üzrə ekspres qatarların hərəkət cədvəli dəyişib. Bu haqda bu gün, 16 fevral tarixində Bakuplus.az Azərbaycan Dəmir Yollarına istinadən xəbər verir.
Bakı – Sumqayıt – Bakı marşrutu üzrə hərəkət edən ekspres qatara daha 4 vaqon əlavə olunmaqla sayı 11-ə çatdırılacaq.
Marşrut üzrə qatarların hərəkət qrafikində aşağıdakı dəyişikliklər edilir:
- Sumqayıt stansiyasında qatarlar 5-ci yoldan hərəkətə başlayacaq;
- Bakıdan qatar saat 06:52-də yola düşəcək və vaqonlarının sayında artım olduğundan Sumqayıt stansiyasında fərqli platformada – 5-ci yolda qəbul ediləcək;
- Sumqayıtdan Pirşağı istiqamətində çıxan qatar saat 07:00-da yola düşəcək;
- Bakıdan Pirşağı istiqamətində çıxan qatar saat 08:45-də yola düşəcək;
- Sumqayıtdan Xırdalan istiqamətində çıxan qatar saat 9:40-da yola düşəcək;
- Bakıdan Sumqayıta yola düşən ekspres qatar saat 18:10-da yola düşəcək;
- Bakıdan Xırdalan istiqamətində çıxan qatar saat 18:25-də yola düşəcək;
- Sumqayıtdan Pirşağı istiqamətində çıxan qatar saat 19:10-da yola düşəcək;
- Bakıdan Pirşağı istiqamətində çıxan qatar saat 20:10-da yola düşəcək;
- Sumqayıtdan Pirşağı istiqamətində çıxan ekspres qatar saat 18:58-də yola düşəcək.
2023-cü ildə ADY tarixində ilk dəfə olaraq il ərzində 7 milyondan çox sərnişin daşınıb. Bu göstərici 2022-ci illə müqayisədə 30%-dən çox artım deməkdir.
