Quba xanlığının hökmdarı Fətəli xanın qəbirüstü abidəsi bərpa olunur. Bu barədə Bakuplus.az Milli Azərbaycan Tarixi Muzeyinə istinadən məlumat verir.
XVIII əsrin sonlarında hazırlanmış və muzeyin Arxeoloji Fondunda saxlanılan xanın qəbirüstü abidəsi bərpa laboratoriyasına göndərilib.
1789-cu il martın 22-də 54 yaşında vəfat edən Fətəli xan Bakının Bibiheybət məscidinin həyətində dəfn edilib.
20-ci əsrin 30-cu illərində Fətəli xanın qəbirüstü abidəsi Azərbaycan Tarixi Muzeyinə verilmişdi. Oniks mineral daşından hazırlanmış məzardaşının hazırda bərpa və konservasiya işləri aparır. İşləri muzeyin bərpaçı-rəssamı İbrahim Hacıyev həyata keçirir.
Bərpa prosesindən sonra eksponat muzeyin yeni yaradılmış sərgisində nümayiş ediləcək.
