Bu gün Rüstəm İbrahimbəyovun doğum günüdür.
Yazıçı, nasir, dramaturq Rüstəm İbrahimbəyov 1939-cu ildə Bakıda anadan olub.
O, Azərbaycan Neft və Kimya İnstitutunu bitirib, sonralar Moskvada Ümumittifaq Dövlət Kinematoqrafiya İnstitutunda ssenarist və rejissor ixtisaslarına yiyələnib.
İbrahimbəyov 29 yaşından yazıçılıqla məşğul olub. 15 pyesi dünyanın 100-dən çox ölkə teatrlarında tamaşaya qoyulub. Onun əsərləri əsasında 40-dan çox bədii film, televiziya filmləri və tamaşaları çəkilib.
R.İbrahimbəyovun layiq görüldüyü mükafatlar aşağıdakı kimidir:
Fəxri adlar:
- “Azərbaycan SSR Əməkdar incəsənət xadimi”;
- “Rusiya Federasiyasının Əməkdar incəsənət xadimi”;
- “Azərbaycan Respublikasının Xalq yazıçı”.
Ordenlər:
- Lenin komsomolu;
- “Şöhrət” ordeni;
- III dərəcəli “Vətənə xidmətə görə” (Rusiya Federasiyası) ordeni;
- Ədəbiyyat və İncəsənət ordeni komandoru.
Digər mükafatlar:
- Rusiya Federasiyasının dövlət mükafatları;
- Müstəqil Dövlətlər Birliyinin Fəxri Fərmanı;
- “Teatr Xadimi” qızıl medalı;
- Moskva Dövlət Dumasının Fəxri Fərmanı;
- “Qızıl Portağal” mükafatı (Türkiyə).
Rüstəm İbrahimbəyov 11 mart 2022-ci ildə uzun sürən xəstəlikdən sonra 83 yaşında Moskvada vəfat edib. 16 martda nəşi Bakıya gətirilən sənətkar I Fəxri xiyabanda dəfn olunub.
