Bakıda yerləşən İran İslam Respublikası səfirliyinin əməkdaşları təcili olaraq sənədlərlə birgə avtomobilə minərək ərazidən uzaqlaşıblar. Bu haqda bu gün, 27 yanvar tarixində Bakuplus.az Güney Azfront Telegram kanalına istinadən məlumat verir.
Bu gün, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub.
Həmin şəxs Kalaşnikov markalı avtomat silahı ilə mühafizə postunu yararaq mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıb. Onların vəziyyəti qənaətbəxşdir.
Azərbaycanın Tehrandakı səfirliyinə hücum edən şəxs 50 yaşlı Yasin Hüseynzadə olub. O, SEPAH-la yaxın əlaqədə şübhəli bilinir.
İranın Azərbaycandakı səfirliyinin qarşısında təhlükəsizlik tədbirləri gücləndirilib. Səfirliyin əməkdaşları və ailələri ölkədən təxliyə edilirlər.
[video width="1280" height="720" mp4="https://bakuplus.az/storage/photos/2023/01/iranli_diplomatlar_suallara_cavab_verm-d-n_s-firlikd-n_s-n-dl-rl-.mp4"][/video]
