Respublika Klinik Xəstəxanasına yeni direktor təyin olunub. Bu haqda bu gün, 28 dekabr tarixində Bakuplus.az Report-a istinadən xəbər verir.
Ortoped-travmatoloq Elviz Qasımov tibb müəssisəsinin direktoru vəzifəsinə təyinat alıb. O, daha öncə Elmi-Tədqiqat Travmatologiya və Ortopediya İnstitutunun direktoru olub.
Elviz Qasımov Türkiyə Cümhuriyyətinin Hacettepe Universitetinin (Ankara) Tibb fakültəsini bitirib. Daha sonra Mərmərə Universiteti Xəstəxanasında Ortopediya və travmatologiya kafedrasında tibdə uzmanlıq təhsili alıb.
Tibb üzrə fəlsəfə doktoru E.Qasımovun nüfuzlu tibb jurnallarında bir çox elmi məqaləsi və müxtəlif elmi işləri dərc edilib.
Elviz Qasımov 2018-ci ildə Azərbaycan Prezidenti İlham Əliyevin Sərəncamı ilə “Əməkdar həkim” fəxri adına layiq görülüb.
[caption id="attachment_85033" align="alignnone" width="640"]
Foto Report.az saytı[/caption]
