Respublika Klinik Xəstəxanasının laboratoriyasının texniki təchizatı tam yenilənib. Bu haqda bu gün, 13 avqust tarixində Bakuplus.az TƏBİB-in mətbuat xidmətinə istinadən məlumat verir.
Bunun sayəsində hazırda laboratoriya avadanlığı ən müasir dünya standartlarına cavab verir. Xəstəxanada mikrobiologiya, immunologiya, hematologiya və biokimya şöbələri fəaliyyətə başlayıb.
Laboratoriyanın işi, faktiki olaraq tam avtomatlaşdırılmışdır, quraşdırılmış avadanlıq biokimyəvi, immunokimyəvi, mikrobioloji, hematoloji, PZR, ELISA və digər tədqiqatların aparılmasına imkan verir.
Laboratoriyanın həkimləri, laborantları və tibb bacıları ilə müvafiq təlimlər və praktiki məşğələlər keçirilib. Pasiyentlər, müasir protokollara uyğun olaraq, 600-dən çox laborator xidmətindən yararlana biləcəklər.
