Səbail rayonunda Vətən müharibəsi şəhidinin adı əbədiləşdirilib. Bu barədə 9 oktyabr tarixində AZƏRTAC xəbər verib.
Cəlil Məmmədquluzadə 118 ünvanında şəhid Rəşad Zeynallının adını daşıyan xatirə lövhəsinin açılışı olub. Açılışda Nəsimi rayon İcra Hakimiyyətinin başçısı Asif Əsgərov, Qafqaz Müsəlmanları İdarəsinin rəsmisi, Məşədi Dadaş məscidinin imamı haci Şahin Həsənli, incəsənət nümayəndələri, şəhidin ailəsi və döyüş yoldaşları, ölkə ictimaiyyəti və media nümayəndələri iştirak edib.
Tədbirdə onun həyatı haqqında söz açılıb, döyüş yoldaşları onun cəsurluğundan danışıblar.
Rəşad Zeynallı oktyabrın 8-də şəhid olub. Ölümündən sonra o, “Qubadlının azad olunmasına görə”, “Cəbayılın azad olunmasına görə”, “Cəsur döyüşçü” və “Vətən uğrunda” medalları ilə təltif edilib.
