“Sədərək” ticarət mərkəzində baş verən yanğın nəticəsində sahibkarlara külli miqdarda ziyan dəyib. Satıcılar qeyd edirlər ki, mallarını sığortalaya bilməyiblər. Bu haqda bu gün, 9 yanvar tarixində Oxu.az məlumat verib.
Sahibkarlar deyirlər ki, sığorta şirkətləri mallarını sığortalamaqdan imtina edir.
Ticarət mərkəzinin nümayəndəsi Kəmaləddin Qədimin sözlərinə görə, müvafiq şirkətlər malları deyil, yalnız mağazaları sığortalayır.
Məsələ ilə bağlı iqtisadçı ekspert Xalid Kərimli də öz fikirlərini bildirib: “Sığortaçı burada təhlükəsizlik standartlarına yetərincə əməl olunmadığına inandığından istər anbar ehtiyatlarını, istərsə də mağaza ehtiyatlarını sığortalamaqdan imtina edir. İkincisi, ümumiyyətlə, bu riskləri şirkət sığortalamağı düşünsə də, çox yüksək sığorta haqqı müəyyən edir. Bu risklər yüksək olduğu üçün bəzən sahibkarı çəkindirir. Onu da nəzərə almaq lazımdır ki, sahibkar sığortaya etibarı olmadığı üçün bu vəsaitləri ödəməyə hazır deyil”.oto
