Dövlət Yol Polisi hava şəraiti ilə əlaqədar xəbərdarlıq edib. Bu haqda bu gün, 15 fevral tarixində Bakuplus.az Daxili İşlər Nazirliyinə istinadən xəbər verir.
"Hazırda paytaxt ərazisində müşahidə olunan dumanı, eləcə də ölkə ərazisində gözlənilən qeyri-sabit hava şəraitini nəzərə alaraq, hərəkət iştirakçılarıdan yollarda diqqətli olmalarını xahiş edirik. Mövcud havanı düzgün qiymətləndirmək, texniki-təhlükəsizlik baxımından yararsız, eləcə də mövsümə uyğun təchiz olunmamış nəqliyyat vasitələri ilə yola çıxmaqdan çəkinmək, sürət həddinə, ötmə və manevr zamanı təhlükəsizlik qaydalarına ciddi əməl etmək tövsiyə olunur", – deyə müraciətdə qeyd olunub.
18 fevral tarixinə qədər havanın qeyri-sabit keçəcəyi, yağıntılı olacağı bildirilmişdi.
