Sabah 20 Yanvar faciəsinin ildönümü - Ümumxalq Hüzn Günü ilə bağlı tədbirlərlə əlaqədar bəzi marşrut avtobuslarının hərəkət xətti dəyişdiriləcək. Bu haqda bu gün, 19 yanvar tarixində Bakı Nəqliyyat Agentliyinin (BNA) mətbuat xidmətinə istinadən Bakuplus.az məlumat verir.
Parlament prospektindən Şəhidlər xiyabanına, eləcə də yaxınlıqdakı küçə və prospektlərdən keçən müntəzəm marşrut xətləri üzrə hərəkət edən avtobusların hərəkəti alternativ küçə və prospektlər üzrə təşkil olunacaq.
