Anasını və bacısını öldürüb Rusiyaya qaçan Murad Niftizadə barəsindəki hökmdən verilmiş apellyasiya şikayətinə baxılıb. Bu haqda bu gün, 3 mart tariixndə APA məlumat verir.
Apellyasiyaya Bakı Apellyasiya Məhkəməsində hakim Anar İbrahimov tərəfindən baxılıb. Qərarə əsasən, Niftizadəyə təyin olunmuş həbs cəzası 20 ildən 18 ilə endirilib. Hökmün qalan hissəsi qüvvədə saxlanılıb.
Sabunçu rayonu, Bakıxanov qəsəbəsində 2019-cu il dekabrın 13-də Murad Niftizadə anası Fatma Həmzəyeva və bacısı Elgün Niftizadəni öldürüb. Daha sonra isə Rusiyaya qaçıb. Faktla bağlı Murad Niftizadə Cinayət Məcəlləsinin “İki və ya daha çox şəxsi öldürmə” maddəsi ilə təqsirləndirilib və beynəlxalq axtarışa verilib.
Niftizadə Rusiya ərazisində müəyyən edilib və 2021-ci il oktyabrın 17-də həbs olunub. 2022-ci il martın 10-da isə Azərbaycana gətirilib.
