Asiyanı Avropa ilə birləşdirən “CASCA+” marşrutu ilə gedən ilk yük Bakıya çatıb. Bu haqda bu gün, 27 dekabr tarixində Bakuplus.az “Azərbaycan Dəmir Yolları”na istinadən xəbər verir.
Asiya-Sakit okean regionu ölkələri - Çin-Qırğızıstan-Özbəkistan-Türkmənistan-Azərbaycan–Gürcüstan-Türkiyə-Avropa istiqamətində hərəkət edən yük “Balkan” gəmisi ilə Türkmənbaşı limanından Bakı limanına çatdırılıb.
Mis konsentratı ilə yüklənmiş qatar Bakıdan Bolqarıstanın Burqas limanına göndəriləcək. Blok qatar 91 konteynerdən ibarətdir.
Multimodal nəqliyyat layihəsi olan CASCA+ (Mərkəzi Asiya, Cənubi Qafqaz və Anadolu) Azərbaycan, Gürcüstan, Qırğızıstan, Türkmənistan, Türkiyə və Özbəkistan dəmir yolu qurumlarının birgə təşəbbüsüdür.
[caption id="attachment_84795" align="alignnone" width="640"]
Foto Azərbaycan Dəmir Yollarının rəsmi saytı[/caption]
