Bakı Şəhər Dövlət Yol Polisi İdarəsi polis əməkdaşın “Saxla!” əmrinə tabe olmayan sürücülərə xəbərdarlıq edib. Bu haqda bu gün, 22 oktyabr tarixində AZƏRTAC polis mayoru Araz Əsgərliyə istinadən məlumat yayıb.
Son zamanlar sürücülərin saxlama tələbinə tabe olmamaları adiləşib. Bu zaman polis əməkdaşı nəqliyyat vasitəni dayandırmaq üçün səlahiyyətlərindən istifadə etmək məcburiyyətində qalır. Bu vəziyyət sürücülərin və digər hərəkət iştirakçılarının həyat və sağlamlığı üçün ciddi təhlükə yaradır. Polis əməkdaşının tələbi ilə saxlamaqdan imtina edən sürücülər cərimələnəcək və inzibati qaydada həbs ediləcək.
Ötən gün, 21 oktyabr tarixində 25 yaşlı Nihad Sadiqov S.Vurğun-Neftçilər prospekti boyunca, Azneft dairəsi istiqamətində dəfələrlə kobud şəkildə yol hərəkəti qaydalarını pozaraq polis əməkdaşlarına tabesizlik göstərib. Sürücü 20 sutka azadlıqdan məhrum edilib.
