“Sea Breeze”də baş vermiş dava ilə bağlı məhkəmə yekunlaşıb. Bu haqda bu gün, 7 mart tarixində Bakuplus.az Qafqazinfo-ya istinadən xəbər verir.
Hakim Mirheydər Zeynalovun çıxardığı hökmə əsasən, Elmir İsmayılov, Peyman Vəlizadə, Məhəmməd Həsənzadə məhkəmə zalından azadlığa buraxılıblar. Eyni zamanda təqsirləndirilən M.Ə-yə də həbslə bağlı olmayan cəza verilib.
Təqsirləndirilən şəxslərdən biri olan Elmir İsmayılov hökmə belə reaksiya verib:
“Bir hüquqşünas kimi deyə bilərəm ki, nəhayət, haqq-ədalət yerini tapdı. Bizi dəstəkləyən, ədalətin bərpa olunması üçün köməklik göstərən ədalətli insanlara minnətdarlığımı bildirirəm. 9 ay bizimlə birlikdə olan bütün dostlara təşəkkürümü çatdırıram”.
Ötən ilin İyun ayında Sabunçu rayonunun Nardaran qəsəbəsində yerləşən “Sea Breeze Resort” İstirahət Mərkəzində kütləvi dava bıçaqlanma ilə yekunlaşmışdı.
