SSRİ Xalq artisti, müğənni Leyla Şəripova vəfat edib. Bu haqda bu gün, 20 fevral tarixində Bakuplus.az APA-ya istinadən xəbər verir.
Xalq artisti 93 yaşında Almaniyanın Düsseldorf şəhərində dünyasını dəyişib.
Leyla Şəripova 22 iyun 1931-ci ildə Bakıda anadan olub. Onun atası İzmir, anası isə Azərbaycan türkü olublar. Müğəni Tacikistana köçdükdən sonra bir müddət Sədrəddin Əyni adına Tacikistan Opera və Balet Teatrında solist kimi işləyib.
1978-ci ildə Bakıya qayıdıb və 1980-ci ildən Azərbaycan Dövlət Televiziya və Radio Verilişləri Komitəsinin aparıcı solisti kimi fəaliyyət göstərib.
Şəripovanın repertuarında türk, əfqan, Azərbaycan, türkmən, ərəb, fars, özbək və ispan mahnıları yer alıb. Müğənni həm də bəstəkarlıq fəaliyyəti ilə məşğul olub və şeirlər yazıb. O, məşhur “Qara gözlər” və “Badam çiçəyi” adlı fars mahnılarının müəllifidir.
Qeyd edək ki, mərhum 1988-ci ildən bəri Düsseldorf şəhərində yaşayırdı.
