“Azərbaycan Dəmir Yolları”ndan verilən məlumata əsasən, qatar cəmi 3-4 dəqiqə ləngiyib.
“Bu gün Sumqayıt-Xırdalan-Bakı istiqamətində hərəkətdə olan elektrik qatarının 20 dəqiqə gecikməsi həqiqəti əks etdirmir. Rabitə və işarəvermə qurğularında yaranan nasazlıq səbəbindən işıqfor 3-4 dəqiqə qırmızı işığı göstərib. Daha sonra qatar hərəkətini bərpa edib”, – deyə qurum bildirib.
11:38 - Sumqayıt-Bakı qatarı ləngiyib
Sumqayıt-Bakı qatarı yolda qalıb. Bu haqda bu gün, 29 yanvar tarixində Bakuplus.az Oxu.az-a istinadən xəbər verir.
Bildirilir ki, Sumqayıt-Xırdalan-Bakı marşrutu üzrə hərəkət edən elektrik qatarı Biləcəri yaxınlığında dayanıb. Qatarın hansı səbəbdən dayandığı açıqlanmır. Nəticədə 20 dəqiqədən artıq ləngimə olub.
