Bakının Suraxanı rayonunda yerləşən çörək emalı müəssisəsində nöqsanlar aşkarlanıb. Bu haqda bu gün, 3 may tarixində Bakuplus.az Qida Təhlükəsizliyi Agentliyinə (AQTA) istinadən xəbər verir.
Rayonun Qaraçuxur qəsəbəsi, Zaur Şərifov küçəsi, ev 22 ünvanında yerləşən “Binə Çörək Zavodu” MMC-yə məxsus çörək sexində yoxlama zamanı xəmir yoğurma sahəsində çirkab suyun toplandığı, anbar sahəsində havalandırma sisteminin quraşdırılmadığı, divar və tavanda bəzi hissələrin tamlığının pozulduğu, emal sahəsinin normativlərə cavab vermədiyi və müvafiq təmizlik işlərinin aparılmadığı aşkarlanıb.
Faktlarla bağlı rəhbərlik məsuliyyətə cəlb olunub.
