Bakıda qanunsuz fəaliyyət göstərən heyvan kəsimi məntəqələrində reydlər keçirilib. Bu haqda 16 avqust tarixində Bakuplus.az Azərbaycan Respublikasının Qida Təhlükəsizliyi Agentliyinə istinadən məlumat verir.
AQTA qanunsuz heyvan kəsimi fəaliyyətinin qarşısının alınması məqsədilə nəzarət tədbirləri keçirib.
Nəzarət tədbirləri zamanı agentliyin müfəttişləri tərəfindən Suraxanı rayonunda qanunsuz heyvan kəsimi və ət satışının həyata keçirildiyi ünvanlar aşkar edilib. Pozuntular Bülbülə və Qaraçuxur qəsəbələrində keçirilən reyd zamanı üzə çıxıb.
Məntəqə sahiblərinə xəbərdarlıq edilib, yol kənarlarında qanunsuz olaraq quraşdırılmış, qida təhlükəsizliyi tələblərinə uyğun olmayan bir sıra kəsim qurğuları sökülüb.
[caption id="attachment_59113" align="alignnone" width="800"]
Foto Report.az saytı[/caption]
