TƏBİB Bakıdakı xəstəxanalarına həkimlər axtarır

Paytaxtda yerləşən Mərkəzi Neftçilər Xəstəxanası, "Nərimanov Tibb Mərkəzi" PHŞ, Akademik M.Ə.Mirqasımov adına Respublika Klinik Xəstəxanası və "Xəzər Tibb Mərkəzi"nə həkimlər axtarılır. Bu haqda Report bu gün, 3 mart tarixində xəbər verib.

TƏBİB-in tabeliyində olan yuxarıdakı tibb müəssisələrinə işə qəbul olunmaq istəyən həkim-mütəxəssislər anket formasını dolduraraq tələb olunan sənədlərin elektron nüsxələri ilə birlikdə doctors@its.gov.az elektron poçt ünvanına göndərə bilərlər.

Elektron poçtun “mövzu” bölməsində müraciət edilən vəzifənin və tibb müəssisəsinin adı qeyd edilməlidir. Bir neçə tibb müəssisəsinə sənəd vermək üçün ayrı-ayrılıqda müraciət etmək lazımdır.

Mərkəzi Neftçilər Xəstəxanası:

"Nərimanov Tibb Mərkəzi" PHŞ:

"Xəzər Tibb Mərkəzi" PHŞ:

"Akademik.M.Ə.Mirqasımov adına Respublika Klinik Xəstəxanası" PHŞ:

Müraciət üçün tələb olunan sənədlər:

• şəxsiyyətini təsdiq edən sənəd;


• əsas (baza ali) tibb təhsili haqqında sənəd (diplom), (xarici dövlətlərin ali tibb təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla));


• xarici dövlətlərdə təhsil alan şəxslər üçün işə buraxılma haqqında şəhadətnamə (namizədin işə qəbulunun rəsmiləşdirilməsi zamanı tələb olunacaq);


• sertifikasiya şəhadətnaməsi (sertifikasiyadan keçməkdən qanunvericiliklə nəzərdə tutulmuş azad olma halları istisna olmaqla);


• əmək kitabçası (namizədin işə qəbulunun rəsmiləşdirilməsi zamanı tələb olunacaq);


• elmi dərəcə və elmi ad haqqında dövlət sənədi (olduğu halda);


• xarici dil və kompüter biliklərini təsdiq edən sənəd (olduğu halda);


• seminar/konfranslarda iştirak etməni təsdiq edən sənəd (olduğu halda).