Bu gün, 6 yanvar tarixində Bakı Metropoliteni rəsmi saytında, son bir ildə görülən işlərlə bağlı hesabat yayıb.
Məlumatda bildirilir ki, 2021-ci ildə Bakı Metropoliteni 90 milyon 232 min 427 sərnişin daşıyıb. Onlardan 3 milyon 50 min 575 sərnişin ödənişsiz, 87 milyon 181 min 452 sərnişin isə ödənişli daşınıb.
Bu, ötən il metro ilə daşınan insanların sayının, işlədiyi günlər üzrə orta statistik hesabla 485 min 121 nəfər olması deməkdir.
Ümumilikdə, pandemiya dövründə, 2020 və 2021-ci illərdə Bakı metropoliteni 377 gün sərnişindaşıma prosesindən kənar qalıb.
