Yeniyetmə tələbəni öldürən şəxsə hökm oxunub. Bu haqda bu gün, 17 fevral tarixində Bakuplus.az Oxu.az-a istinadən xəbər verir.
Bakı Ağır Cinayətlər Məhkəməsinin qərarı ilə 21 yaşlı Mingəçevir şəhər sakini Rəşad Muxtarov 19 il müddətinə azadlıqdan məhrumetmə cəzasına məhkum edilib.
Hadisə ötən ilin fevral ayında baş verib. Təqsirkar Bakı Dövlət Peşə Təhsili Liseyinin yataqxanasında 16 yaşlı Əliəkbər Mərəyevi bıçaqla qətlə yetirib.
Həmin gün Rəşad Əliəkbərdən telefonunun səsini azaltmasını istəyib və yatmağa mane olduğunu deyib. Lakin Əliəkbər Rəşadın tələbinə əməl etməyib. Nəticədə gecə saat 02:00 radələrində Rəşad bıçaq götürərək, otaq yoldaşına 21 bıçaq zərbəsi vurub.
