Bakıda ticarət obyektlərinin qarşısında ağacların qəsdən qurudulmasının qarşısı alınıb. Bu haqda bu gün, 11 iyun tarixində Report məlumat verib.
Buzovna-Maştağa yolunda yerləşən ticarət obyektlərinin qarşısındakı bir neçə çoxillik şam ağacının qəsdən məhv edilməsi barədə məlumat verilib. Bakı Şəhər Yaşıllaşdırma Təsərrüfatı Birliyi tərəfindən bu məlumata dərhal reaksiya verilib, həmin ünvanda baxış keçirilib. Ağacların dibindən torpaq nümunələri götürülərək analiz üçün laboratoriyaya göndərilib.
Aparılan təhlillər ağacların xəstəlikdən yoxsa kənar müdaxilələrdən qurumasını göstərəcək. Ağacların qəsdən qurudulması faktı aşkar olunarsa, təqsirkarlar barəsində ciddi tədbirlər görüləcək.
Bakı Şəhər Yaşıllaşdırma Təsərrüfatı Birliyinin əməkdaşları tərəfindən aparılan araşdırmalarla yanaşı, ərazidə yeni ağaclar əkilib, mövcud ağaclar sulanıb.
[URIS id=48252]
