Tofiq Bəhramov adına Respublika stadionu Avropa Liqasının oyununa hazırlaşır. Bu haqda bu gün, 21 fevral tarixində Bakuplus.az Report-a istinadən xəbər verir.
“Qarabağ” pley-off mərhələsi çərçivəsində cavab oyununda Bakıda Portuqaliyanın “Braqa” klubu ilə qarşılaşacaq. Arenanın direktoru Tələt Məmmədovun sözlərinə görə, hazırda bununla bağlı stadionda son tamamlanma işləri görülür.
Stadionun uçmuş tavan örtüyü ilə əlaqədar isə direktor zaman lazım olduğunu qeyd edib.
“Bu işlə sığorta şirkəti məşğuldur. Çünki stadion sığortalanıb. Nə zaman gətiriləcəyi barədə hələ dəqiq məlumat yoxdur”, – deyə o əlavə edib.
“Qarabağ” – “Braqa” oyunu 22 fevral tarixində saat 21:45-də başlayacaq. İlk oyun təmsilçimizin 4:2 hesablı qələbəsi ilə yekunlaşıb.
