Bakının Ramana qəsəbəsində uşaq oğurluğuna cəhdlə bağlı təfərrüatlar bəlli olub.
Milli.Az xəbər verir ki, məktəblini oğurlamaq istəyən şəxsi görən ətrafdakı vətəndaşlar ona mane olub və oğlan bu sayədə qaça bilib. Uşağı oğurlamağa cəhd edən şəxs isə qorxub ərazini tərk edib. Məktəblini oğurlamaq istəyənin görüntüsü təhlükəsizlik kameralarına düşüb. Bununla da hadisəni törədən şəxsin kimliyini müəyyənləşdirmək mümkün olub. Dəqiqləşib ki, hadisəni törədən şəxs məktəblinin keçmiş sinif yoldaşıdır.
Ehtimala görə, o bu əməli zarafat məqsədilə edib.
Qeyd edək ki, məsələ ilə bağlı ərazi üzrə Sabunçu RPİ-nin 12-ci PŞ-də araşdırma başlanılmışdı.
***
Vətəndaş K.Seyidov polisə müraciət edərək ötən gün yetkinlik yaşına çatmayan övladının Sabunçu rayonu Ramana qəsəbəsi ərazisində naməlum şəxs tərəfindən təqib edildiyini bildirib.
Bu barədə Lent.az-a DİN-in Mətbuat Xidmətinin əməkdaşı polis baş leytenantı İbrahim Əmiraslanlı məlumat verib.
Qeyd olunub ki, məsələ ilə bağlı ərazi üzrə Sabunçu Rayon Polis İdarəsinin 12-ci Polis Şöbəsində araşdırmalara başlanılıb. Əlavə məlumat veriləcək.
