Bakıda televiziya aparıcısına qarşı avtoxuliqanlıq hərəkətləri edən şəxs cəzalandırılıb. Bu barədə Caliber 8 dekabr tarixində məlumat verib.
Tanınmış teleaparıcı Vüsalə Əlizadənin yolunu kəsərək qəza vəziyyəti yaradan şəxslə bağlı tədbir görülüb.
110 km/saat sürət həddi olan Aeroport şosesində hərəkət edərkən dövlət qeydiyyat nişanı 90-FB-300 olan “Mercedes” markalı avtomobilin sürücüsü aparıcının yolboyu hərəkətinə maneə törədib. Onun zolaqlarda yerdəyişmə edərək hərəkət sürətini aşağı salması və qəza şəraiti yaratması Vüsalə Əlizadəni özündən çıxarıb və aparıcı sosial şəbəkələrdə bu barədə video paylaşaraq polisə bununla bağlı tədbir görülməsini xahiş edib.
Bundan əlavə, aparıcı həmin vaxt anasının əməliyyatdan çıxdığını və dəhşətli ağrılar içində olmasını xüsusilə qeyd edib.
Daxili İşlər Nazirliyində video ilə bağlı araşdırma aparılıb. Sürücü İnzibati Xətalar Məcəlləsinə uyğun cərimələnib və onunla profilaktik söhbət aparılıb.
