"Biz yaxınlarda Novxanı qəsəbəsinə köçmüşük. Güclü yağış və doludan sonra evdən çıxmaq və ya evə qayıtmaq demək olar ki, mümkün deyil. Yalnız yolsuzluq avtomobili olanlar hərəkət edə bilirlər".
Bu haqda Bakuplus.az -a Novxanı bağları ərazisində, Qaçaq Nəbi küçəsində yaşayan sakinlərdən biri məlumat verib.
O qeyd edib ki, artıq bir həftədir ki, bu problem həllini tapmır.
Sakin bildirib ki, yaşadığı ünvana üç istiqamətdən giriş var, bu giriş yollarının hər üçündə vəziyyət acınacaqlıdır: "Suyun çəkilməsi üçün isə pul tələb olunur. Problem birbaşa evimizin qarşısında olmasa da, hər gün hərəkət etmək üçün həmin böyük su gölməçəsindən keçməyə məcburuq. Vəziyyət artıq dözülməz həddə çatıb".
