Bakıda əməliyyat zamanı dünyasını dəyişən Əhməd Kazımovun ölüm səbəbi araşdırılır. Bu haqda 2 iyul tarixində Bizim.media məlumat verib.
Əhməd Kazımov iyunun 30-da M.Ə.Əfəndiyev adına 2 saylı Şəhər Klinik Xəstəxanasında burun əməliyyatına götürülüb. Amma əməliyyat başlamamış xəstə əməliyyat masasında dünyasını dəyişib. Qohumlar iddia edirlər ki, mərhum həkim səhlənkarlığı nəticəsində ölüb. Onların sözlərinə görə, ölümə səbəb xəstəyə normadan artıq narkozun verilməsi olub.
Ekspertizanın rəsmi cavabı 10 gündən sonra açıqlanacaq. Hələki TƏBİB Əhməd Kazımovun ölüm səbəbi ilə bağlı rəsmi məlumat yaymayıb.
Bundan əvvəl onun özəl xəstəxanalardan birində əməliyyat olunması bildirilsə də, xəstəxananın adı açıqlanmamışdı.
