Xətai rayonunda yerləşən seçki məntəqəsində maraqlı anlar yaşanıb. Bu haqda bu gün, 7 fevral tarixində Bakuplus.az sosial şəbəkələrə istinadən xəbər verir.
Hadisə 36 saylı dairə seçki komissiyasının 191 saylı tam orta məktəbdə yerləşən 16-cı məntəqəsində qeydə alınıb. Məntəqəyə gələn 98 yaşlı Xətai rayon sakini, müharibə veteranı İsgəndər Vəliyev pozitiv anlar yaşadıb.
Belə ki, veteran səsvermədən öncə yüksək səslə şeir deyib, daha sonra hüququndan istifadə edib.
İsgəndər Vəliyevə evdə səs vermək təklif olunsa da, o, məntəqəyə gəlməyi üstün tutub.
