Bronxopnevmoniya diaqnozu ilə Xəzər Tibb Mərkəzinə yerləşdirən Xalq artisti Ənvər Həsənovun COVİD-19 testi pozitiv çıxıb. Onun müalicəsi davam etdirilir. Bu haqda 30 avqust tarixində APA məlumat verib.
Aktyorun qızı Aytən Həsənova bildirib ki, atası hazırda Mərdəkanda xəstəxanada müalicə alır.
Həmçinin məlum olub ki, aktyorun ailəsi müalicəyə yardım etmək üçün Heydər Əliyev Fonduna müraciət edib. Fond da, öz növbəsində, ailəyə dəstək göstərir.
Daha öncə məlum olub ki, Azərbaycanın Xalq artisti Ənvər Həsənov ağır vəziyyətdə xəstəxanaya yerləşdirilib.
