Xocəsən-Lökbatan yolunda yerləşən yerüstü piyada keçidinin təmiri yekunlaşıb. Bu haqda bu gün, 16 noyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Təmir-bərpa işləri adıçəkilən yolun 2-ci km-də yerləşən yerüstü piyada keçidində aparılıb. Layihə çərçivəsində deformasiyaya uğramış aşırım hissəsinin sökülməsi işləri aparılıb. Daha sonra keçidin yeni aşırım hissəsinin quraşdırılması həyata keçirilib. Həmçinin fasadı, tavanı və döşəməsi əsaslı şəkildə təmir olunub, alt hissədə və kənarlarda olan üzlük materialları yeniləri ilə əvəzlənib.
Bundan əlavə keçidin yan şüşələrinin metal torlarla əvəzlənməsi və işıqlandırma sisteminin yenilənməsi işləri icra olunub.
Təmir-bərpa işləri zamanı 36 metr uzunluğa malik sözügedən keçidin yerdən hündürlüyü 4.5 metrdən 5.6 metrə qədər artırılıb.
[caption id="attachment_120033" align="alignnone" width="640"]
Foto AAYDA[/caption]
