"Yeganə" şadlıq sarayına cərimə protokolu yazılıb. Bu haqda 15 mart tarixində Report məlumat verib.
"Yeganə" şadlıq sarayında reyd keçirilib və ciddi nöqsanlar aşkar olunub. Nəticədə “Yeganə Palace" MMC barəsində İnzibati Xətalar Məcəlləsinin “Ətraf mühitə atılan, axıdılan və ya basdırılan zərərli maddələrin miqdarının, habelə zərərli fiziki təsirlərin hədlərinin yol verilə bilən normativlərdən artıq olması” maddəsi ilə inzibati protokol tərtib edilib. İş baxılması üçün məhkəməyə göndərilib.
Bu xətaya görə, vəzifəli şəxslər 2500 manatdan 4000 manatadək, hüquqi şəxslər 10.500 manatdan 12.500 manatadək cərimə edilir.
