Bakıda uşaqlara həsr olunmuş “Bir qəlbi də sən isit” layihəsi start götürüb. Bu haqda bu gün, 24 noyabr tarixində ASAN Könüllüləri məlumat verib.
Layihə “Bravo” hipermarketlər şəbəkəsinin birgə əməkdaşlığı ilə təşkil olunur. 1 ay davam edəcək kampaniya çərçivəsində şəhər sakinlərinin dəstəyi ilə sosial qayğıya ehtiyacı olan 3-14 yaş arası uşaqların arzuları dekabr ayında gerçəkləşəcək.
Sabahdan etibarən “Bravo” hipermarketlər şəbəkəsinin “20 Yanvar” və “Koroğlu” filiallarında qurulmuş xüsusi guşələrə yaxınlaşmaqla məktublarla tanış olaraq hədiyyələri təqdim etmək mümkün olacaq.
