“Yeni Klinika” xəstəxanasına yeni kadr təyin olunub. Bu haqda bu gün, 7 yanvar tarixində Bakuplus.az Report-a istinadən xəbər verir.
İlqar Mustafayev “Yeni Klinika” tibb müəssisəsinin inzibati işlər üzrə direktor müavini vəzifəsinə təyin edilib. O, daha öncə Milli Hematologiya və Transfuziologiya Mərkəzində İnzibati işlər üzrə müavin vəzifəsində çalışıb.
İ.Mustafayev “Türk Dünyası İşletme Fakültəsi”ndə Biznesin Təşkili və İdarə Edilməsi ixtisası üzrə bakalavr, Almaniyada “Frankfurt School of Finance and Management” universitetində Beynəlxalq Səhiyyənin idarə olunması üzrə magistr (MBA) təhsili alıb.
Həmçinin o, bir çox dövlət və özəl xəstəxanaların qurulması və tibbi təchizatları üzrə layihə rəhbəri olub.
