AYNA sərnişindaşımalardan gileylənib. Bu haqda bu gün, 16 fevral tarixində Bakuplus.az Report-a istinadən xəbər verir.
Hazırda Bakı şəhəri üzrə sərnişin daşımalarını həyata keçirən 27 operator var. Azərbaycan Yerüstü Nəqliyyat Agentliyinin (AYNA) idarə heyətinin sədri Anar Rzayevin sözlərinə görə, onların cəmi 3-5-i fəaliyyətini ciddi şəkildə qurub.
“Digər daşıyıcılar isə sadəcə biznesini axşam sürücüdən planı almaq üzərində qurub ki, bunun da nəticəsində dayanacaqda sürücülərin sərnişin üçün mübarizəsini, intervalların qorunmamasını görürük. Hətta belə avtobuslarda plan yerinə yetirildikdən sonra avtobusu dayandıraraq, həmin gün üçün xidmətin dayandırılması da müşahidə edilir", – deyə o, qeyd edib.
