Bakıda yerləşən məşhur “fast food” restoranında istifadəyə yararsız məhsullar aşkarlanıb. Bu haqda 25 aprel tarixində Bakuplus.az Qida Təhlükəsizliyi Agentliyinə istinadən məlumat verir.
AQTA Nəsimi rayonu, Azadlıq prospekti və Füzuli küçəsinin kəsişməsində, məhəllə 720 ünvanında fəaliyyət göstərən, “Anar Food” MMC-yə məxsus “Burger King” restoranında plandankənar yoxlama keçirib. Yoxlama zamanı emal prosesində normativ hüquqi aktların tələblərinin pozulduğu müəyyən edilib. Restoranın dondurucu kamerasında 744 ədəd yararlılıq müddəti bitmiş çörək aşkar edilib.
Faktla bağlı qanunvericiliyə uyğun müvafiq tədbirlər görülüb, istifadə müddəti bitmiş məhsulların istehlakının qarşısı alınıb.
